ആമുഖമോ, അടിക്കുറിപ്പോ ഇല്ലാതെ ഒരു സംഭാഷണം ചുവടെ കൊടുക്കുന്നു. ഒന്നും മനസ്സിലായില്ലെങ്കില്‍ എന്നെ കല്ലെറിയരുതേ...!!!
(ടിവിയില്‍ വാര്‍ത്താദൃശ്യങ്ങള്‍ മാറി മാറി വരുന്നു......)
ഒന്നാമന്‍: കര്‍ണ്ണാടക രാഷ്ട്രീയം ആകെ നാറി, അല്ലേ?
രണ്ടാമന്‍: പറയാനുണ്ടോ, അല്ല, രഞ്ജിട്രോഫിയില്‍ എന്താ കര്‍ണ്ണാടകയുടെ സ്ഥിതി? അവിടെയും മോശമാണോ?
മൂന്നാമന്‍: രഞ്ജിയുടെ സ്ഥിതി അറിയില്ല, പക്ഷേ, ഇന്ത്യ പാക്കിസ്ഥാനെതിരെ തകര്‍ത്തു കളിക്കുന്നുണ്ട്.
നാലാമന്‍: (മൂന്നു പേരെയും മാറി മാറി നോക്കുന്നു.)
ഒന്നാമന്‍: ക്രിക്കറ്റിനെപ്പറ്റി ഒരു പടമിറങ്ങിയിരുന്നല്ലോ, പണ്ട്, ഏതാ, ലഗാനല്ലേ?
രണ്ടാമന്‍: ങും... നല്ല പടമായിരുന്നു. ഈയിടെ ഹോക്കിയെപ്പറ്റിയും ഒന്ന് ഇറങ്ങിയിരുന്നു.
മൂന്നാമന്‍: ഉവ്വുവ്വ്, ചക് ദേ... ഇനി ഫുട്ബാളിനെ കുറിച്ചും നല്ലൊരു കമേഴ്‍സ്യല്‍ പടം വരണം. പണ്ടേതോ പെണ്ണുംപിള്ള ഇംഗ്ലീഷില്‍ ഒരു ആര്‍ട്ട് പടം പിടിച്ചതേ ഉള്ളു.
നാലാമന്‍: (താടിക്ക് കൈ കൊടുത്തിരിക്കുന്നു.)
ഒന്നാമന്‍: അടുത്ത കൊല്ലമല്ലേ ഫുട്ബാള്‍ ലോകകപ്പ്?
രണ്ടാമന്‍: അതെയതെ. കഴിഞ്ഞതിലാണോ സിദാന്‍ ഒരുത്തന്റെ നെഞ്ചത്തിടിച്ചത്? അതോ അതിനു മുന്പിലത്തേതിലോ?
മൂന്നാമന്‍: സിദാന്‍... ങും... ആ ഫ്രാന്‍സിന്റെ കളിക്കാരന്‍, അല്ലേ?
നാലാമന്‍: (കൈകള്‍ മേശമേല്‍ വച്ച് താഴേക്കു നോക്കിയിരിക്കുന്നു)
ഒന്നാമന്‍: ഫ്രാന്‍സ് യൂറോപ്പിന്റെ ഭാഗമാണല്ലോ.
രണ്ടാമന്‍: ശരിയാ, യൂറോപ്പിലെവിടെ ജീവിക്കാനും ഫ്രഞ്ച് അറിഞ്ഞാല്‍ മതി. എല്ലാരും ഫ്രഞ്ച് സംസാരിക്കും.
മൂന്നാമന്‍: ഫ്രഞ്ച് പഠിപ്പിക്കുന്ന ഒരു സ്ഥാപനത്തെ പറ്റി ഈയിടെ ഒരു തെലുങ്കു പത്രത്തില്‍ വന്നിരുന്നു.
നാലാമന്‍: (തലയില്‍ കൈ വക്കുന്നു)
ഒന്നാമന്‍: ഫ്രഞ്ച് ലാംഗ്വേജ് ഇന്‍സ്റ്റിറ്റ്യൂട്ട്, അല്ലേ? കന്നഡ പത്രത്തിലുമുണ്ടായിരുന്നു.
രണ്ടാമന്‍: കന്നഡ പത്രം മുഴുവന്‍ ഇപ്പോള്‍ ഇവിടുത്തെ പൊളിറ്റിക്സിനെ പറ്റിയല്ലേ?
മൂന്നാമന്‍: അതെയതെ, കര്‍ണ്ണാടക രാഷ്ട്രീയം ആകെ നാറി അല്ലേ? (നാലാമനെ നോക്കിക്കൊണ്ട്) നാലാമനെന്താ മിണ്ടാതിരിക്കുന്നത്?
നാലാമന്‍: (നാലാമന്‍ എഴുന്നേറ്റു നിന്ന് മേശമേല്‍ വിരല്‍ കൊണ്ട് ഒരു വൃത്തം വരക്കുന്നു. പതിയെ തിരിഞ്ഞു നടന്നു പോകുന്നു. മറ്റുള്ളവര്‍ സംഭാഷണം തുടരുന്നു.)
ഒന്നാമന്‍: കേരളത്തിന്റെ കാര്യം വട്ടപ്പൂജ്യമാണെന്നായിരിക്കും അയാള്‍ ഉദ്ദേശിച്ചത്.
രണ്ടാമന്‍: കേരളത്തില്‍ കമ്യൂണിസ്റ്റ് ഭരണമല്ലേ? പിന്നെങ്ങനെയാ?
മൂന്നാമന്‍: ക്യൂബയിലിപ്പോ......
(മൂവരും സംഭാഷണം തുടര്‍ന്നു കൊണ്ടേയിരിക്കുന്നു.)
--------------------------------
അര്‍ത്ഥരാഹിത്യത്തിന്റെ സന്പുഷ്ടി... ചിലര്‍ക്കെങ്കിലും സന്തുഷ്ടി... നമുക്കു നമ്മുടെ അന്നന്നത്തെ അഷ്ടി...!!!
13 comments:
ഈ രണ്ടു കാതു കൊണ്ടും ഞമ്മള് കണ്ടതാ, രണ്ടു കണ്ണു കൊണ്ടും ഞമ്മള് കേട്ടതാ...!!!
വര്‍ത്തമാനകാല ജീവിതത്തിന്റെ ഒരു നേര്‍കാഴ്ച...
ഇതു കൊള്ളാം..ഇതു പോലുള്ള സംഭാഷണങ്ങള്‍ ധാരാളം കാണാറുമുണ്ട്‌ കേള്‍ക്കാറുമുണ്ട്‌ അതില്‌ സജീവമായിപങ്കെടുക്കാറുമുണ്ട്‌ :-)
:-)
ഒരു റിയലായ വീക്ഷണം.
ഒരു കൂട്ടം സുഹൃത്തുക്കലുടെ സംഭാഷാണം തൊട്ടടുത്തിരുന്ന് കേള്‍ക്കുന്ന പോലെ തോന്നി.
കൊള്ളാം.
:)
ഇതില്‍ അത്ഭുതമില്ല. ഇങ്ങനെ സംഭവിക്കുന്നതു കൂട്ടത്തില്‍ ഇരുന്നു കേട്ടിട്ടുണ്ട്.
നന്നയി സംഭാഷണങ്ങള്‍ മിനീസേ.
പൊട്ടിച്ചിരിച്ചു പോയി നാലാമനെ വിചാരിച്ച്.. :)
രസായി എഴുത്ത്.
കൊള്ളാം വളരെ റിയലിസ്റ്റിക്കായ സംഭാഷണം.....തുടങ്ങിയ വിഷയവും അവസാനിച്ച വിഷയവും തമ്മില് യാതൊരു ബന്ധവുമില്ല.....ജയരാജ് വാര്യരുടെ കാരിക്കേച്ചര് പോലെ...
ഇത് രസായി... പലപ്പോഴും പലയിടത്തും കണ്ടിട്ടുള്ള ദൃശ്യം
നേരം പോക്കിനായി ഞങ്ങള്‍ സുഹൃത്തുക്കള്‍ തമ്മില് പലപ്പോഴും ഇത്തരത്തിലുള്ള സംഭാഷണങ്ങള്‍ ഉണ്ടാകാറുണ്ട്...ഈ സംഭാഷണം കേട്ടുനില്‍ക്കുന്ന ഈ ഗ്രൂപ്പില്‍പ്പെടാത്ത ആളുടെ കാര്യം കട്ടപൊഹ...ഞങ്ങളുടെ ഉദ്ദേശ്യവും അതു തന്നെയായിരിക്കും. ഹ ഹ ഹ
നന്നായി
ആഭിനന്ദനങ്ങള്‍...
എല്ലാവര്‍ക്കും നന്ദി. ഇങ്ങനൊക്കെ വിളിച്ച് പറഞ്ഞാലും സ്വകാര്യമായിട്ട് ഈ വക സംഭാഷണങ്ങളിലൊക്കെ ഞാനും പങ്കെടുക്കാറുണ്ട് ട്ടോ! ;-)
രാവിലത്തെ ഇളം തണുപ്പിനെ ചൂടുപിടിപ്പിക്കാന്‍ ഗ്രാമങ്ങളിനെ ചായക്കടകളിനെ ഇളകുന്ന ബഞ്ചിലിരുന്നു ചിലര്‍ ഇങ്ങനെ ലോക കാര്യങ്ങള്‍ പറയുന്ന ചിത്രമൊക്കെ ഇപ്പോ കാണാറേയില്ലല്ലോ അതോര്‍മ്മപെടുത്തി
Post a Comment